Kompaniya xodimlari ISO 37001:2016 xalqaro standart sertifikatini qo'lga kiritishdi

"O'zbekiston ipotekani qayta moliyalashtirish kompaniyasi" AJ ISO 37001:2016 xalqaro standart sertifikatini qo'lga kiritish bo'yicha harakatlarni boshlab yubordi.

Kompaniyada xalqaro ISO 37001:2016 korrupsiyaga qarshi kurashish menejment tizimi menejeri - ichki auditori yo'nalishida Kompaniya Bosh ijrochi direktori boshchiligidagi 15 kishidan iborat xodimlar uchun "CERT Academy Group" xalqaro trening kompaniyasi tomonidan o'quv kursi tashkil etildi.

O'quv darslari qiziqarli olib borildi. Standart talablariga muvofiq tayyorlangan amaliy mashg'ulotlarda Kompaniya xodimlari faol ishtirok etishdi. O'quv kursi so'nggida imtihonlarni muvaffaqiyatli topshirgan xodimlar xalqaro standart sertifikatini qo'lga kiritishdi.

Ma'lumot o'rnida:  ISO 37001:2016 xalqaro standart sertifikati korrupsiya holatlarini oldini olish, aniqlash, zarur choralarni ko'rish hamda korrupsiya xavfini kamaytirishga yo'naltirilgan maqbul va aniq mezonli chora-tadbirlarni nazarda tutadi.

Hozirda Kompaniya tomonidan korrupsiyani oldini olish, unga qarshi kurashish va chek qo'yishga qaratilgan keng ko'lamli islohotlar izchil amalga oshirib kelinmoqda. Ushbu dasturga muvofiq korrupsiyaga qarshi kurashish bo'yicha "Korrupsiyaga qarshi kurashish siyosati", "Manfaatlar to'qnashuvini boshqarish siyosati" kabi  ichki me'yoriy hujjatlar qabul qilingan va o'rnatilgan tartibda barcha xodimlarga tanishtirish va tushuntirish ishlari amalga oshirib borilmoqda. Korrupsiyaga nisbatan murosasiz munosabatni shakllantirish, ularni huquqiy ongi va madaniyatini yuksaltirish maqsadida komplayns xizmati xodimi tomonidan treninglar tashkil etilmoqda.

Muxtasar aytganda, ISO 37001:2016 xalqaro standart talablari targ'iboti ishlari jadal suratlarda davom etmoqda.